Իսպանիայի Ֆուտբոլի թագավորական ֆեդերացիան (RFEF) այսօր հայտնել է այն մրցավարների անունները, ովքեր կսպասարկեն Լա Լիգայի 35 - րդ տուրի հանդիպումները:

Անկասկած, այդ տուրում կենտրոնականը Բարսելոնա - Ռեալ Մադրիդ հանդիպումն է: Եվ այդ հանդիպումը, ինչպես այսօր հայտնել է RFEF - ը, սպասարկելու է Ալբերտո ՈՒնդիանո Մալենկոն:

 

Առաջիկա Էլ Կլասիկոն կլինի 5 - րդը Մալենկոյի համար: Նախորդ 4 դեպքերից միայն 1 - ում է ոչ ոքի արձանագրվել, մնացած 3 խաղերում հաղթող է եղել: Մալենկոյի սպասարկած Էլ Կլասիկոներից ամենից շատը հիշվում է Կոպա Դել Ռեյի եզրափակիչը, որում մադրիդցիները հաղթեցին նվազագույն հաշվով, ինչպես նաև կատալոնացիների պատմական հաղթանակը Բեռնաբեուում 2 - 6 հաշվով:

 

Սակայն, ըստ վիճակագրության, ՈՒնդիանո Մալենկոն Ռեալի համար ավելի հաջողակ մրցավար է համարվում: Մադրիդցիների մասնակցությամբ նա 32 հանդիպում է սպասարկել, որոնցից 21 - ում Ռեալը հաղթել է, 6 հանդիպում ավարտել է ոչ ոքի և միայն 5 - ում է պարտվել: Բարսելոնան էլ, երբ խաղը սպասարկել է Մալենկոն, տոնել է 17 հաղթանակ, 12 հանդիպում ավարտել է ոչ ոքի և 1 խաղում պարտվել է:

barca.am