«Միշտ հիացել եմ Զիդանով: Նա ունի ֆուտբոլիստին բնորոշ բոլոր հատկանիշները, իսկական ֆուտբոլիստի մարմնացում է»,-նշել է Չավի Ալոնսոն:
Արդյունավետություն ինչպես խաղադաշտում, այնպես էլ դրանից դուրս: Այն ունի իր տարբեր դրսևորուները, բայց դրանից էությունը չի փոխվում: «Ռեալի» ֆուտբոլիստներ Կական ու Չավի Ալոնսոն մասնակցեցին "Audi"-ի գովազդային մի արարողության, որի ընթացքում խոսել են նաև իրենց թիմի ներկայիս դրության ու ֆուտբոլիստների հարաբերությունների մասին. «Մենք շատ միասնական թիմ ենք»,-վստահեցրել է Կական, իսկ Ալոնսոն իր հերթին գովել է բրազիլացուն. «Ռիկարդոն այն մարդկանցից է, որ բոլորին դուր է գալիս: Նա միշտ ժպտում է, միշտ ուրախ է»:
Ֆուտբոլիստները մասնակցեցին մեքենավարման արագության մրցույթին, որից հետո միմյանց մասին մի քանի խոսք ասացին լրագրողներին: Կական Ալոնսոյի մասին ասաց հետևյալը. «Նա առաջնորդ է հանդերձարանում: Միշտ քննարկում է ամեն ինչ, խորհուրդներ է տալիս մեզ»: Իսկ Ալոնսոն նշեց. «Ռիկարդոն այն մարդկանցից է, որ բոլորին դուր է գալիս: Նա միշտ ժպտում է, միշտ ուրախ է»:
Վերջում երկուսին էլ հարցրին, որ եթե հնարավորություն ունենային նախորդ սերունդների ֆուտբոլիստներից որևէ մեկի հետ խաղալ, ում կնախընտրեին տեսնել որպես թիմակից: Կական առանց հապաղելու ընտրեց իր հայրենակից Պելեին, իսկ Ալոնսոն պատասխանեց. «Այդքան վաղ ժամանակներ չեմ տեղափոխվի, կընտրեմ ավելի մոտ ֆուտբոլիստի: Նրա դեմ խաղացել եմ, բայց կողքին՝ ոչ: Շատ կուզենայի Զիդանի հետ մի թիմում հանդես գալ:Միշտ հիացել եմ Զիդանով: Նա ունի ֆուտբոլիստին բնորոշ բոլոր հատկանիշները, իսկական ֆուտբոլիստի մարմնացում է»:
|
Мой профиль
