Իսպանիայի առաջնության 37-րդ տուրում աշխարհի լավագույն ֆուտբոլիստ Լիոնել Մեսսիի պոկերի շնորհիվ «Բարսելոնան» հաղթեց «Էսպանյոլին»:

Հանդիպման 12-րդ րոպեին արգենտինացին հաշիվը բացեց տուգանային հարվածով: 64-րդ րոպեին Մեսսին դիպուկ իրացրեց 11 մետրանոցը: 10 րոպե անց նա աչքի ընկավ խաղային իրավիճակում, իսկ 79-րդ րոպեին կրկին անվրեպ իրացրեց 11 մետրանոցը:

Այսպիսով, Մեսսին իր 50-րդ գոլը խփեց Իսպանիայի ընթացիկ առաջնությունում, ինչը Պրիմերայի պատմության բացարձակ ռեկորդ է, ինչպես նաև թարմացրեց մեկ մրցաշրջանի ընթացքում խփած գոլերի իր իսկ սահմանած ռեկորդը` 72 գնդակ:

Նշենք, որ Մեսսին 3-րդ գոլը խփեց տուգանային հարվածով, նրանից շատ այս մրցաշրջանում միայն «Մալագայի» կիսապաշտպան Սանտի Կասորլան է աչքի ընկել` 4 գոլ:

sportarmenia.com