Այսօր Գվարդիոլայի փոխարեն նախախաղյա մամլո ասուլիսին ներկայացավ Կարլես Պույոլը: Նա հայտնեց, որ թիմը գոհ է Տիտո Վիլանովային գլխավոր մարզիչ նշանակելու որոշումից:
Այսօր ներկայանալով մամլո ասուլիսի, Պույոլը խոստովանել է, որ "բոլոր խաղացողները ցանկանում էին, որ Պեպը մնար": "Տիտոն է մարզիչը և դա լավագույն լուրն է, որը մենք կարող էինք ստանալ: Դա այս պրոյեկտի շարունակությունն է, նա ունի բոլոր խաղացողների աջակցությունը", - ավելացրել է Կարլեսը: Պրոյեկտի շարունակում
Բարսայի ավագը բացատրել է, թե ինչու է Վիլանովան ամենալավ տարբերակը. "Նա բոլորից լավ գիտի այս թիմը, ինչպես նաև թիմի գաղափարները: Նա շատ բան գիտի ֆուտբոլից և Պեպի կողքին է աշխատել այս ողջ ընթացքում: Ամեն ինչ քիչ թե շատ լինելու է այնպես, ինչպես եղել է մինչ այսօր: Խաղային փիլիսոփայությունն ու միտքը նույնն է լինելու": "Նա արտակարգ մարդ է այս պրոյեկտը շարունակելու համար", - հավաստիացրել է Պույոլը: Բարսայի 5 համարը հայտնել է թիմի վերաբերմունքը Պեպի որոշման առթիվ. "Մենք նրան շատ շնորհակալ կլինենք: Նա շատ բան արեց ֆուտբոլի համար: Պեպը ֆուտբոլը բաժանեց 2 մասի` իրենից առաջ և իրենից հետո, դա շատ կարևոր է: Նա մեզ շատ բան է տվել, ավելի շատ, քան կարող եք պատկերացնել: Նա մեզ սովորեցրել է միշտ հաղթել ու հարգել մրցակիցներին.... Այժմ կյանքը շարունակվում է ու մենք կփորձենք ընթանալ այն ճանապարհով, որը նախանշել է Գվարդիոլան և ամեն ինչ անել նույնքան լավ, որքան նրա օրոք": Պույոլը բացատրել է, թե ինչպես է թիմն իմացել այդ լուրը. "Եթե մեզ հարցնեիք Չելսիի դեմ խաղից առաջ, մենք կասեինք, որ նա մնում է: Այն բանից հետո, երբ 2 օր հանգիստ ստացանք, հաշվի առնելով այն ամենը, ինչ լսում էինք այդ օրերին, մենք արդեն սպասում էինք սրան": Նա ավելացրել. "Մենք` խաղացողներս, փորձում էինք այնպես անել, որ նա մնա: Սակայն երբ կա այնպիսի հոգնածություն, ինչպիսին ներկայացրեց Պեպը, դժվար է մարզիչ մնալ: Մարզիչ լինելը պետք է որ դժվար լինի, մանավանդ այնպիսին, ինչպիսին Գվարդիոլան է, ով օրը 24 ժամ մտածում է ֆուտբոլի մասին": "Գվարդիոլան լեգենդար թիմ է թողել"
"Ես ինձ կպահեմ այն ամենը, ինչ նա մեզ տվել է: Նրա ֆուտբոլը հասկանալու կարողությունը: Գվարդիոլան լեգենդար թիմ է թողել, որը հիշվելու է ընդմիշտ: Ես հուսով եմ, որ այն ամենի համար, ինչ Պեպը մեզ տվել, նրան արժանի ձևով հրաժեշտ կտան", - ասել է Պույոլն շեշտել, որ "թիմը միասնական է այս պրոյեկտը շարունակելու մտքի շուրջ": Վերջում Կարլեսը որոշել է այդուհանդերձ անդրադառնալ Ռայո Վալեկանոյի դեմ խաղին, որն օրենքով պետք է լիներ մամլո ասուլիսի գլխավոր թեման: Նա ասել է, որ Ռայո Վալեկանոն "լինելու է նույնքան մոտիվացված, որքան մենք": "Մենք կփորձենք ամեն ինչ ճիշտ անել, դուրս գալ խաղադաշտ սովորականի նման և կտեսնենք, թե ինչ կլինի", - եզրափակել է Բարսելոնայի ավագը:
| 
Мой профиль
