Հոլանդիայի հավաքականի կիսապաշտպան Ուեսլի Սնեյդերը հրաժարվել է Գերմանիայի հետ կայացած խաղից հետո մրցակցի պաշտպան Ժերոմ Բոատենգի հետ փոխանակվել մարզաշապիկներով: Հիշեցնենք, որ այդ խաղում գերմանացիներն առավելության էին հասել 2:1 հաշվով: Հայտնում են հոլանդական ԶԼՄ-ները:
Ֆուտբոլիստն այնքան էր տխրել խաղի արդյունքի պատճառով, որ մերժել է Բոատենգի առաջարկը: Բացի այդ, Սնեյդերին միայն օրերս է սկսել նյարդայնացնել ֆուտբոլում վաղուց ընդունված այդ ավանդույթը. նա Բոատենգին ասել է հետևյալը. «Դուք արժանի հաղթանակ տարաք, ուրիշ ի՞նչ եք մեզանից ուզում»:
Նշենք, որ վերջում Սնեյդերը, այնուամենայնիվ, մարզաշապիկներով փոխանակվել է Լուկաս Պոդոլսկու հետ:
| 
Мой профиль
