Մադրիդի «Ռեալի» գլխավոր մարզիչ Ժոզե Մոուրինյոն հայտարարել է, որ արգենտինացի հարձակվող Գոնսալո Իգուաինը մնում է թիմում:

«Իգուաինը մնում է «Ռեալում», քանի որ ես չեմ ցանկանում, որ նա հեռանա: Նա հիանալի երկարատև պայմանագիր ունի ակումբի հետ»,-Մոուրինյոյի խոսքերը մեջբերել է goal.com-ը:

Ավելի վաղ նշվում էր, որ Իգուաինի նկատմամբ լուրջ հետաքրքրություն են ցուցաբերում «Մանչեսթեր Սիթին», «Չելսին», «Յուվենթուսը» ու ՊՍԺ-ն:

«Մադրիդը մտադիր չէ վաճառել Իգուաինին, եթե նույնիսկ նրա համար 40, 50 կամ 60 միլիոն եվրո առաջարկեն: Հաջորդ մրցաշրջանում իմ թիմի երկու հարձակվողները կմնան Գոնսալուն ու Կարիմը»,-ընդգծել է Մոուրինյոն:

Մոուրինյոն ևս մեկ անգամ հաստատել է, որ շարունակելու է աշխատել «Արքայական ակումբում». «Իմ պայմանագիրը «Ռեալի» հետ ավարտվում է երկու տարի հետո: Ակումբը, ես ու իմ հարազատները ուրախ են, որ ես մնում եմ Իսպանիայի մայրաքաղաքում: Մեզ բոլորիս կայունություն է հարկավոր»,-եզրափակել է պորտուգալացի մարզիչը