Ըստ "El Confidencial”-ի` Ժոզե Մոուրինյոն պատրաստվում է գնել Զլատան Իբրահիմովիչին: Պարբերականը հաղորդում է, որ «Ռեալի» պորտուգալացի մարզիչը մոտ հինգ շաբաթ առաջ կապ է հաստատել Իբրահիմովիչի հետ և հարցրել է նրան. «Ուզու՞մ ես խաղալ «Ռեալում»: Եթե այո, պատրաստվի՛ր»:

Իբրահիմովիչի պատասխանը դրական է եղել, ինչ արդյունքում «Ռեալն» արդեն սկսելու է աշխատել նրան ձեռք բերելու ուղղությամբ: Մոուրինյոն շարունակելու է աշխատել «Ռեալի» հետ և նա է առաջարկում ու հավանություն տալիս տրանսֆերային ծրագրերին, ինչպես արդեն պատահել է Կառվալյուի, Կոենտրաոյի, Կայլեխոնի ու Դի Մարիայի դեպքում:

Իբրահիմովիչն ու Մոուրինյոն մեկ տարի միասին աշխտել են «Ինտերում»: Դա 2008-09թ. –ին էր, երբ շվեդ ֆուտբոլիստը 74 պաշտոնական հանդիպում անցկացրեց ու 29 գնդակ հեղինակեց «Ինտերի» կազմում: ”El Confidencial”-ը հաղորդում է նաև, որ Մինո Ռաիոլան` Իբրահիմովիչի գործակալը, իր մեծ դերն ունի «Միլանի» տրանսֆերային գործունեության մեջ և ցանկության դեպքում կարող է հեշտացնել «Ռեալի» և իտալական ակումբի միջև բանակցությունները