«Յուվենտուսի» կիսապաշտպան Անդրեա Պիրլոն այսօր խոսել է «Միլանից» հեռանալու և թուրինյան ակումբ տեղափոխվելու պատճառների մասին:
«Բանակցությունների ժամանակ ինձ առաջարկեցին երկարաձգել պայմանագիրը մեկ տարով, երբ ես պահանջում էի կնքել 3-ամյա պայմանագիր: Սակայն սա չէր «Միլանից» հեռանալու հիմնական պատճառը: Թիմի գլխավոր մարզիչ Մասիմիլիանո Ալեգրին ցանկանում էր, որ ես դառնայի մաքուր հենակետային, ավելի մոտ գործեի պաշտպանությանը` Ամբրոզինիի և վան Բոմելի միջև: Իսկ ես չէի ցանկանում փոխել իմ խաղային դիրքը և նրանց պատասխանեցի` «Շնորհակալ եմ, բայց ոչ»:
Ընտրեցի «Յուվենտուսը», քանի որ այն ինձ ավելի հետաքրքրեց մարզական առումով: Այնպես որ իմ տեղափոխության պատճառը գումարային չէր», – Պիրլոյի խոսքերն է մեջբերում La Gazzetta dello Sport-ը:
Հիշեցնենք, որ տեղափոխվելով թուրինյան ակումբ` Անդրեա Պիրլոն առաջին իսկ մրցաշրջանում «Յուվենտուսի» կազմում նվաճեց չեմպիոնի կոչումը:
| 
Мой профиль
